2 SALESMAN ARESTADO MATAPOS IPUSLIT ANG MGA PANINDA NG KANILANG KOMPANIYA

Arestado ang dalawang salesman sa Poblacion Ilaya, Panay, Capiz matapos magpuslit ng mga paninda ng kompaniya na kanilang pinagtatarabuhan.

Kinilala ang mga ito na sina Prenia Ian Abala, 41-anyos, senior salesman, residente ng Brgy. Bolo, Roxas City, at Ramer Baylen, 25, residente ng Brgy. Goce, President Roxas, mga empleyado ng Lemacel Trading Corporation.

Matapos ang isinagawang auditing ng kompanya nitong Martes, nadiskobre ang mga nawawalang paninda sa truck na ino-operate ng mga nasabing suspek.

Narekober sa kanila ang mahigit Php21,000 halaga ng mga panindang kape, at mga sitsirya.

Sinampahan ng kasong Qualified Theft ang mga nasabing suspek. (report from KaTodo Butchoy Gardose)