TRAFFIC ENFORCER KRITIKAL MATAPOS MAAKSIDENTE SA PONTEVEDRA, CAPIZ

Kritikal ang isang 57-anyos na traffic enforcer matapos madisgrasya sa menamaneho niyang motorsiklo sa Brgy. Rizal, Pontevedra, Capiz.

Kinilala ang traffic enforcer na si Jonel Abolucion, residente ng Brgy. Solo, Pontevedra, Capiz.

Ayon sa report ng Pontevedra PNP, nabangga ng nasabing enforcer ang sinusundan niyang motorsiklo na menamaneho ni Laudence Aguilar, 22, isang estudyante, residente ng Brgy. Rizal sa nasabing bayan.

Nagtamo ng minor injuries ang estudyante habang nagtamo naman ng sugat sa iba-ibang bahagi ng katawan ang enforcer at dinala sa ospital ng rumespondeng mga rescuer.

Patuloy na iniimbestigahan ng kapulisan ang insidente.