ALYANSA KONTRA PHASE OUT NG PUV’s AT PUJ’s, MAGSASAGAWA NG TRANSPORT STRIKE SA AKLAN

Kalibo, Aklan – Magsasagawa ng transport holiday ang alyansa Kontra Phase Out sa lunes, Setyembre 30 sa bayan ng Kalibo kasabay ng Nationally Coordinated Transport Holiday para ipakita ang kanilang pagtutol kaugnay ng PUV’s at PUJ’s phase out.

Nagkaisa ang mga transport organizations na Bagong Alyansang Makabayan Aklan at Pinagkaisang Samahan ng Tsuper at Opereytor Nationwide (PISTON-Panay) upang bumuo ng “Alyansa Kontra Phase Out” na magdadala ng kanilang mga hinaing.

Lalahok sa Transport Caravan ang 30 mga sasakyan mula sa mga transport organizations na hindi pabor sa phase out na may edad 15 taon pataas sa ilalim ng PUV’s Modernization Program 2020 ng administrasyong Duterte.

Ayon kay Edgar Salarda, Regional Coordinator ng PISTON Panay, ang naturang programa ay sumusupil sa karapatan ng mga maliliit na operators na magkaroon ng sariling sasakyan na pang serbisyo publiko.