DAHIL SA ILEGAL NA SUGAL, DALAWA ARESTADO

Dalawa ang arestado dahil sa ilegal na sugal sa Aliputos, Numancia alas 8:30 nitong gabi.

Nakilala ang mga suspek na sina Manny Tonel, 36-anyos at Alvin Refre, 38-anyos, kapwa residente ng nasabing lugar.

Ayon sa Numancia PNP, naaresto ang dalawa matapos maaktuhan sa lugar na nagpupustaan sa larong pool.

Napag-alaman na inireklamo umano ng mga residente doon ang ingay na dala ng kanilang paglalaro, dahilan upang isumbong sila sa mga pulis.

Kaagad namang nagsagawa ng Anti-Illegal Gambling Operation ang Numancia PNP, kung saan naabutan ang mga suspek, at kinumpiska ang mga barahang ginamit nila, mga tako, pool chips, maging ang pool table, at kabuuang P595.00 na pera.

Pansamantalang ikinustodiya ang dalawa sa Numancia PNP Station, habang inihahanda ang kasong paglabag sa Anti-Illegal Gambling Laws.

Samantala, sa eksklusibong panayam ng Radyo Todo sa mga suspek, itinanggi nila ang akusasyon.