KALIBO AUXILARY POLICE AT JOB ORDERS MAGTATRABAHO PA HANGGANG HUNYO 30 – MAYOR LACHICA

MAGTATRABAHO pa hanggang sa katapusan ng Hunyo ang mga Job Orders at Auxillary Police sa bayan ng Kalibo.

Ayon kay Mayor Emerson Lachica, kailangan pa rin nilang magtrabaho dahil ang kanilang kontrato ay magtatapos pa sa Hunyo a-30.

Aniya, normal lamang na makaramdam sila ng panlulumo dahil sa naging resulta ng halalan, subalit kailangang itong tanggapin at respetuhin ng bawat isa.

Saad pa ng alkalde na normal lamang na may nananalo at may natatalo tuwing election.

Marami kasi ang nakapuna na naging matamlay ang ilang empleyado ng munisipyo kasunod ng halalan kung saan nangibabaw ang katunggali ni Lachica sa pagka-alkalde na si Board Member Juris Sucro na may botong 25,907.