Star City Star City walang Christmas Operations dahil sa sunog

Hindi na mapapasyalan ang iconic 28-year-old amusement park na Star City sa darating na Christmas 2019 makaraang lamunin ito ng sunog nitong Miyerkules.

Nadamay din sa sunog ang bahagi ng gusali ng Manila Broadcasting Company (MBC), na nagmamay-ari ng DZRH at Love Radio.

Ayon kay Atty. Rudolph Jularbal na spokesperson ng Star City, posibleng magbukas ulit ang sikat na amusement park sa October 2020.

“We’re targeting reopening about October next year. It’s necessary because the importation of rides takes time and the set-up of the park also,” ani Atty. Jularbal.

Ayon kay Pasay City Fire Marshal Superintendent Paul Pili, halos 60% ng mga imprastraktura sa Star City ang naabo sa sunog.

Patuloy ngayon na iniimbestigahan ang naging ugat ng sunog.