SHOPLIFTER SA ISANG GROCERY STORE, ARESTADO

Sasampahan ngayong araw ng kasong Theft o pagnanakaw ang isang 30 anyos na ‘shop lifter’ na naaresto ng Tangalan PNP nang magnakaw umano ito, alas 7:30 kahapon ng umaga sa isang grocery store sa Poblacion, Tangalan.

Nakilala ang suspek na si John Raven Ariel Jacobe ng Rizal, Pala-pala, Iloilo City.

Base sa report ng Tangalan PNP, nakita umano ng store keeper ng nasabing tindahan ang suspek na nakalabas na at naglalakad dala ang isang basket na puno ng grocery.

Kinumpronta umano njya ito at hinanapan ng resibo, subali’t hindi umano ito sumasagot, rason na isinumbong na nila sa pulis.

Narekober sa kostodiya ng suspek ang mga nasabing grocery na nagkakahalaga ng P16, 328.00 kasama na rito ang mahigit 100 kaha ng iba’t-ibang brand ng sigarilyo.

Narekober din sa suspek ang kanyang back pack na may tshirt, at P500.00 na pera.

Ayon pa sa Tangalan PNP, posibleng may mga kasama pa ang suspek sa ginagawa nitong modus.