Aklan News
Nakaparadang traysikel, nasunog
Nasunog sa hindi pa malamang dahilan ang isang traysikel na nakaparada sa barangay road ng Sitio Pawa, Mantiguib, Makato bandang alas 12:30 kaninang hating gabi.
Nakilala ang may-ari ng pampasaherong traysikel na si Leonel Morales, 53 anyos ng nasabing lugar.
Ayon kay FO2 Sandro Fernando ng BFP Makato, totally burned umano ang motorsiklo, habang partially burned naman ang side car nito.
Bagama’t nagpapatuloy pa ang imbestigasyon, sinabi pa ni Fernando na posible rin umanong sinadya ang pagsunog sa nasabing traysikel na mag-iisang taon pa lamang itong hinuhulugan ng may-ari.
Tinatayang nasa P30, 000.00 ang halaga ng pinsalang iniwan ng insidente.
