Rider ng motorsiklo, patay matapos bumangga sa van

Patay ang isang rider ng motorsiklo matapos aksidenteng bumangga sa van mag-aalas 3:00 kahapon sa highway ng Union, Nabas.

Nakilala ang biktimang rider ng motorsiklong si Ismael Salaber, 53 anyos ng Buenasuerte, Nabas, habang nakilala naman ang driver ng van na si Ed Sabigan, 51 anyos ng Union, Nabas.

Base sa imbestigasyon ng Nabas PNP, galing kapwa papunta sa direksyon ng Kalibo ang dalawa nang mag-overtake umano sa van si Salaber.

Subali’t tiempo din umanong nag-U turn ang van, rason na sumalpok sa driver’s side nito ang motorsiklo ni Salaber.

Sa lakas ng pagkakabangga, sinasabing nilipad ang ang biktima at nagtamo ng malubhang pinsala sa katawan matapos bumagsak sa kalsada.

Kaagad siyang dinala sa Ibajay Hospital, subali’t idineklarang dead on arrival.

Pansamantala namang ikinostodiya ng Nabas PNP ang van driver para sa karampatang disposisyon.