Rider at angkas nito, sugatan matapos sumalpok sa poste ng street light

Sugatan ang isang rider at angkas nito sa motorsiklo matapos sumalpok sa poste ng street light alas 3:20 kaninang hapon sa Tugas, Makato.

Nakilala ang biktimang driver na si Jennifer Tulio alyas ‘Macmac’ sa legal na edad, at residente ng Lumaynay, Altavas, at ang kanyang angkas na si Jeff Jarred Señeres, sa legal na edad at residente naman ng Baybay, Makato.

Base sa imbestigasyon ng Makato PNP, bumili ng alak ang dalawa subalit aksidenteng bumangga sa poste ng street light habang papauwi.

Base pa sa imbestigasyon, nasa impluwensiya na ng alak ang dalawa habang nagmomotorsiklo, at maaksidente.

Sinasabing nagtamo ng malubhang head injury si Tulio, habang hindi naman malubha ang mga sugat ni Señeres.

Kaagad silang dinala sa ospital kung saan minarapat na i-confine doon si Tulio.