Rider ng motorsiklo, arestado matapos mahulihan ng kutsilyo

Arestado ang isang rider ng motorsiklo matapos umanong mahulihan ng kutsilyo sa Manhanip, Malinao ala 1:00 kaninang madaling araw.

Nakilala ang suspek na si Mharofrans Villanueva, 23 anyos ng Dancalan, Maliano.

Ayon sa Malinao PNP, nagpaparolya umano sila noon nang maispatan ang suspek na nagmomotorsiklo sa lugar.

Pinara umano nila ito nang mapansin na may patalim sa kanyang baywang, na kaagad din nilang kinumpiska.

Inaresto din ang suspek at pansamantalang ikonostodiya habang inihahanda ang kasong paglabag sa BP 6 (Batas Pambansa Bilang 6) o Illegal Possession of Bladed Weapon na isasampa ngayong umaga laban sa kanya.

Samantala, sinabi pa ng Malinao PNP na hindi naipaliwanag ng suspek kung bakit may dala itong kutsilyo, na napag-alamang nasa 12 pulgada ang haba.