Sen. Robin Padilla, inimbitahang mag guest speaker sa AKELCO AGMA

Inaasahan ng Aklan Electric Cooperative (AKELCO) na tatanggapin ni Senator Robin Padilla ang kanilang imbitasyon bilang guest speaker sa Annual General Membership Assembly (AGMA).

Ayon kay AKELCO General Manager Atty. Ariel Gepty, nagpadala na sila ng imbitasyon sa senador para sa AGMA na gaganapin sa July 30 sa ABL Sports Complex.

Ang AGMA ay taunang ginagawa ng kooperatiba, isa sa mga pag-uusapan dito ang 10% surcharge na nais nilang ipataw sa mga kunsumidor na hindi makapagbabayad ng kuryente bago ang due date.

Para sa mga hindi makakadalo sa ABL, maaari rin silang sumali online via Facebook at Zoom ani Gepty.

Kung maalala si Padilla ay nanguna o nag-No.1 sa senatorial race sa nagdaang eleksyon sa botong 26,612,434.