Sikat na cruise line sa Germany, nagbukas ng oportunidad sa mga Aklanon na naghahanap ng trabaho

Magbibigay ng trabaho sa mga Aklanon ang top employer awardee at nangungunang cruise line sa Germany na AIDA Cruises.

Naglunsad ng dalawang araw na Special Recruitment Activity ang Aklan PESO at Magsaysay Maritime Cooperation para sa AIDA Cruises.

Layon nito na maka-recruit ng mga kwalipikadong Aklanon para maging seagoing professionals.

Iba’t-ibang hospitality positions sa AIDA vessels ang maaaring maging trabaho ng mga makakapasang aplikante.

Mismong si Michael Kasten, Head Talent Acquisition ng AIDA Cruises, ang personal na sasala sa final interview.

Ngayong Huwebes, Hulyo 14 ang huling araw ng nabanggit na aktibidad na sinimulan kahapon sa Aklan Trade Hall.