Kotse bumangga sa pader, drayber kritikal

Kritikal ang isang lalaki matapos aksidenteng bumangga ang minamanehong kotse mag-aalas 11:00 kagabi sa highway ng Linabuan Norte, Kalibo.

Batay sa report ng Kalibo PNP, kinilala ang biktimang si John Erick Taroza, sa legal na edad at residente ng Andagao, Kalibo.

Sa inisyal na imbestigayson ng Kalibo PNP, mula sa direksyon ng Banga papuntang Kalibo ang biktima nang mawalan ng kontrol sa manibela at bumangga sa gutter ng kalsada bago bumangga sa pader.

Sa lakas ng pagkakabangga, nasira ang harapan ng kotse, kung saan sinasabing naipit sa loob ang biktima.

Kaagad isinugod sa Panay Health Care Hospital ang biktima na posible umanong nakatulog habang nagmamaneho.