Top 1 Most Wanted na may 4 counts of statutory rape, arestado

INARESTO ng mga awtoridad ang Top 1 most Wanted Person sa Municipal Level ng Balete Aklan.

Kinilala ang akusado na si Christian Campo, 20 anyos ng Sitio Bunayag, Brgy Arcangel Sur, Balete.

Naaresto si Campo sa pamamagitan ng bisa ng warrant of arrest sa kasong 4 counts of Statutory Rape na inisyu ni Hon. Presiding Judge Bienvenido P. Barrios Jr., RTC, 6th Judicial Region, Branch 3, Kalibo.

Samantala, wala namang piyansa na inirekomenda ang korte para sa kanyang pansamantalang kalayaan.

Sa ngayon ay nasa kustodiya na ng Balete PNP ang akusado at nakatakdang iharap sa korte para sa karampatang disposisyon.