TOP 2 Most Wanted na may kasong pagnanakaw, timbog

Arestado ang isang lalaki na may kasong pagnanakaw at itinuturing na Top 2 Most Wanted sa bayan ng Balete, Aklan.

Kinilala ng Balete PNP ang akusado na si Noriel Zonio, 34 anyos at residente ng Sitio Mabais, Brgy. Arcangel Norte, Balete.

Naaresto si Zonio sa pamamagitan ng bisa ng Warrant of Arrest sa kasong paglabag sa PD 533 o Theft of Large Cattle.

Nagkakahalaga naman ng P108,000 ang piyansang inirekomenda ng korte para sa kanyang pansamantalang kalayaan.

Nasa kustodiya na ngayon ng Balete PNP si Zonio at nakatakdang i-turn over sa korte.