Groundbreaking ceremony ng bagong gusali ng Kalibo PNP Station, isinagawa

Pinangunahan ni PBGen Leo Francisco, Acting Regional Director ng Police Regional Office 6 ang isinagawang Groundbreaking Ceremony para sa itatayong bagong istasyon ng Kalibo Municipal Police Station sa Jaime Cardinal Sin Avenue, Brgy. Andagao, Kalibo nitong Setyembre 7.

Aabot sa mahigit P10 milyon ang inilaang pondo sa pagpapatayo ng 3-storey na bagong PNP station.

Ang naturang pondo ay mula sa Department of National Defense sa pamamagitan ng Department of Public Works and Highways (DPWH) Region 6.

Ang naturang lote na pagtatayuan ng bagong Kalibo PNP station ay dinonate ng lokal na pamahalaan ng Kalibo sa pangunguna ni Mayor Juris Sucro.

Mayroon 230 calendar days ang construction ng nasabing gusali kung saan tinatayang matatapos ito sa Abril 2023.