29 anyos na lalaki sinaksak

Nagtamo ng dalawang saksak sa kanyang katawan ang isang 29 anyos na lalaki matapos itong saksakin alas 9:15 noong Sabado ng gabi sa Brgy. Unidos, Nabas, Aklan.

Kinilala ang biktima na si Edgar Mark Alvarez, 29 anyos ng Gibon, Nabas, Aklan.

Samantala kinilala naman ang suspek na sina Jerold Berondo, 27 anyos, at Keir Berondo sa legal na edad at residente ng Unidos, Nabas.

Ayon sa imbestigasyon ng Nabas PNP na pauwi na ang grupo ng biktima galing sa sayawan sa plaza ng makarinig sila ng salitang “bangga-e” mula sa grupo ng mga suspek hanggang sa magkagulo ang mga ito at nasaksak si Alvarez.

Agad namang dinala sa Ibajay District Hospital ang biktima at ngayon ay nagpapagaling na ito.

Samantalang naaresto naman ang dalawang suspek at sasampahan ng kasong Frustrated Homicide.