Suspek sa pananaga sa mag-asawa sa barangay Janlud, Libacao, tinutugis ng kapulisan; dating-away, motibo ng suspek sa krimen

Tinutugis ngayon ng kapulisan ang suspek na si Jomar Esto matapos ang walang-awang pinagtataga ang mag-asawang sina Lorjei Gregorio, 44-anyos at Cherrie Ann Gregorio, 42-anyos kagabi sa barangay Janlud, Libacao.

Sa panayam ng Radyo Todo kay PSSGT. Caron Mayor ng Libacao Municipal Police Station, bandang alas-9:00 kagabi ng makatanggap ng report ang kanilang himpilan na may nangyaring hacking incident sa nasabing barangay.

Kaagad umano silang rumesponde kung saan ayon kay Pssgt. Mayor ay nadatnan nilang naliligo na sa sariling dugo ang mag-asawa.

“Pa-abot namon idto sa area, pagsueod ko sa baeay, gin-approach ako ku kamagueangan nga unga ku biktima ag tumiyabaw ta, ‘Si papa, si mama mana’, hinakwat ko ro unga ag pinaguwa. Sumueod ako sa andang baeay dahil ro andang baeay ngara may hatintang pa, saeakaon. Nakita ko ta rayon ro, mag-asawa, nagahulid eot-a sanda ra ag gapaligos sa sariling mga dugo. Ag ro panan-aw ko ta eagi sa eaki hay malubha gid a ra tama dahil wawa ta eagi ro anang baba ngara tapos may tama pa gid sa anang tangkugo,” pahayag ni PSSGT. Mayor.

Dagdag pa nito, “kabie, suno man sa mismo sa bata sang biktima, naga ihapon sanda kat may naghaboy it bato sa andang baeay. Gintan-aw kuno ni tatay na. Pagguwa ni tatay na it poetahan, linabo ta eagi si tatay na kara. Tapos sumaka ro suspetsado ngara sa sueod gid-a it baeay ag ginlinabo na ro tatay. Anang nanay ta ngara hay ginadepensahan na siguro ro anang asawa, duyon nga may defense wound imaw, may mga tama sa alima ag nagpaeagyo mat-a rayon ro suspetsado pagkatapos nga ginlinabo ro tatay.”

Aniya pa, natagalan bago na-ireport ang insidente sa mga kapulisan dahil bukod sa may kalayuan ang lugar ay walang immediate family ang naglakas-loob na magsumbong sa pulisya dahil magkapit-bahay lamang ang mga biktima at suspek.

Samantala, dating-away ang tinitingnang motibo ng mga kapulisan kung bakit nagawa ng suspek ang naturang krimen.

Kaugnay nito, nagpapatuloy pa ang hot pursuit operation ng mga kapulisan laban sa suspek.

Wala namang narekober sa crime scene ang mga kapulisan.|SM