Klase sa lahat ng antas sa ilang bayan sa Aklan, suspendido dulot ng malakas na ulan

SUSPENDIDO ang mga klase sa lahat ng antas ng paaralan sa ilang mga bayan sa lalawigan ng Aklan.

Sunod-sunod na naglabas ng abiso ang mga LGU at alkalde ng mga bayan ng Kalibo, Numancia, Makato, Malay, Libacao, Ibajay, Malinao, Nabas, Banga, Madalag at Lezo.

Batay sa mga anunsyo, ito ay dahil sa nagpapatuloy weather disturbance at ulat ng PAG-ASA na maaapektuhan ng malakas na pag-ulan Visayas kabilang ang probinsya ng Aklan dahil sa trough ng isang Low Pressure Area.

May iilang sasakyan rin ang na stranded sa may national highway sa Naisud, Ibajay dahil sa umapaw na tubig-baha sa kalsada.

Tumataas na rin ang lebel ng tubig sa mga ilog.

Inaabisuhan ang publiko na maging alerto at maghandang lumikas sa mga evacuation center sa posibleng pagbaha./MAS