Ukay-ukayan sa bayan ng Kalibo, nilooban; mga suspek, pawang menor de edad

NILOOBAN ng dalawang mga menor de edad ang isang ukay-ukayan sa bayan ng Kalibo.

Ayon sa Kalibo PNP, naaktuhan mismo ng may-ari ng naturang ukay-ukayan ang mga suspek na pasimpleng ipinapasok sa dala nilang bag ang isang sapatos na nagkakahalaga ng P1,600.

Kinompronta umano ng may-ari ang dalawa ngunit kumaripas ito ng takbo palabas ng establisyemento.

Dahil dito, naiwan nila ang bag kung saan nakalagay ang dinekwat na sapatos.

Maliban sa sapatos, narekober din sa loob ng bag ang dalawang kutsilyo at susi ng motorsiklo.

Sa ngayon, nagpapatuloy pa ang imbestigasyon ng Kalibo PNP sa nangyaring nakawan.