Balut vendor na nakatraysikel, sumalpok sa nakaparadang truck

Sugatan ang isang tindero ng balut makaraang sumalpok ang kanyang minamanehong top down traysikel sa nakaparadang truck sa Brgy. Panayakan, Tangalan.

Batay sa ulat, mula ang 50 anyos na driver sa Tangalan at pauwi na sa kanila dakong alas-2:00 kaninang madaling araw nang mangyari ang aksidente.

Sinasabing nakaidlip ang biktima dahil sa matinding antok dahilan na dumeretso siya sa kabilang linya ng kalsada at sumalpok sa isang wing van.

Kinakailangan ngayong operahan ang biktima dahil sa kanyang mga tinamong sugat, pasa at bali sa kanang paa.