4 anyos na bata, patay nang mabagsakan ng pader na tinitibag ng kanyang kapatid

Binawian ng buhay ang isang apat na taong gulang na batang lalaki matapos na mabagsakan ng pader sa may M. Laserna St., Kalibo.

Nangyari ang insidente nitong Sabado habang nangangalakal ang 14 anyos na nakatatandang kapatid ng biktima.

Batay sa ulat, tinitibag ng kapatid nito ng pader ng isang abandonadong bahay para kunin ang mga bakal at maibenta.

Pero hindi nito namalayan na nasa likod ng pader ang kanyang kapatid.

Nawasak ang tiyan ng biktima nang matamaan ng mga pader at mga bakal.

Dinala pa ito sa pinakamalapit na ospital pero binawian din ng buhay dahil sa tinamong pinsala.