Mag live-in partner, bumangga sa signage ng MKWD

Sugatan ang mag live-in partner na nag momotorsiklo matapos na bumangga sa signage ng Metro Kalibo Water District (MKWD).

Kinilala ang mga biktimang sina Richard Augustino at Vanessa Arboleda, kapwa mga taga Brgy. Nalook, Kalibo.

Nangyari ang aksidente alas-9:00 kagabi nang pauwi na ang dalawa mula sa Poblacion, Kalibo.

Pagdating sa Caano, hindi napansin ni Augustino ang signage ng MKWD kaya nasalpok niya ito.

Nagtamo ng mga gasgas sa iba’t-ibang bahagi ng katawan ang dalawa at dinala sa pagamutan.

Napag-alaman na madilim at walang ilaw sa lugar na pinangyarihan ng aksidente.