Lalaking umawat sa away, sinaksak-patay sa Malinao, Aklan

SINAKSAK-PATAY ang isang lalaki matapos umawat sa away sa Brgy. Kinalangay Viejo, Malinao, Aklan.

Kinilala ang biktima na si Jonathan Autencio, 39, isang laborer samantalang kinilala naman ang suspek na si Jubin Barte, 38, pawang residente ng nabanggit na lugar.

Batay sa imbestigasyon ng Malinao PNP may namagitang gulo sa pagitan ng kapatid ng suspek na si Joey Barte at Raphy Isuga.

Dahil dito ay pinigilan umano ng biktimang si Jonathan ang suspek na si Jubin upang hindi na lumaki pa ang gulo.

Ngunit, bigla na lamang nitong itinulak ang biktima at nang matumba ay inundayan na niya ng saksak sa tagiliran at kanyang dibdib.

Ayon kay Jonita Rodrigo, saksi sa kremin, nakita niya pa umanong tumayo pa ang biktima at nakapagsalita bago isinakay sa traysikel upang dalhin sa ospital ngunit idineklarang dead-on-arrival.

Nasa kustodiya na ngayon ng Malinao PNP ang suspek na si Jubin Barte kung saan pursigido ang pamilya ng biktima na sampahan ito ng kaukulang kaso.