Stepfather na umawat lang sa away, nasaksak

Isinugod sa ospital ang isang lalaking nasaksak matapos na umawat sa away na kinasangkutan ng kanyang stepson sa Brgy. Muguing, Banga.

Kinilala ang biktimang si Sonny Reprado, 40 anyos, residente ng nabanggit na barangay.

Nangyari ang insidente pasado alas-dose kaninang madalang araw.

Sinasabing may nakaaway ang stepson ng biktima na si Rey Guarino.

Pinuntahan niya ito at tumulong sa pag-awat pero lumapit umano sa kanya ang suspek na si John Erol Gawan, 23, at sinaksak siya sa dibdib at braso.

Lumalabas din sa imbestigasyon na may dati nang alitan ang suuspek at biktima.

Kasong frustrated homicide ang kahaharapin ng suspek na kasalukuyang nakakulong sa Banga PNP Station.