Construction worker, pinalo ng baseball bat sa ulo

Inoobserbahan pa rin sa ospital ang isang construction worker matapos paluin sa ulo ng baseball bat sa Tambak, New Washington.

Kasalukuyan pang nasa ospital ang biktimang si Albert Merced, 29 anyos, residente ng Sitio Dumlog, Brgy. Tambak, New Washington.

Lumalabas sa imbestigasyon na pauwi na ang biktima mula sa inuman nang magkaroon sila ng di pagkakaintindihan ng suspek na si Niño Rembulat.

Pinalo umano nito ng dala-dalang baseball bat ang biktima dahilan ng tinamo nitong pinsala sa ulo.

Tumakas ang suspek matapos ang insidente at patuloy pang pinaghahanap ng mga kapulisan.