Lalaking nagpapataya ng bookies, arestado sa Kalibo Public Market

Arestado ang isang lalaki sa ikinasang Anti-Illegal Gambling Operation ng Provincial Intelligence Unit at Kalibo PNP kahapon sa Kalibo Public Market.

Kinilala ang naarestong si Rowel Patron, 49 anyos, residente ng Brgy. Tinigao, Kalibo.

Matapos maaresto ay idineretso si Patron sa Kalibo PNP Station para sa inventory.

Nakuha kay Patron ang P20 na marked money, P1260 na koleksyon, cotejo at iba pang mga gamit sa pagtatataya.

Mahaharap ang akusado sa kasong paglabag sa RA 9287 o Illegal Number Game.