SUV at motorsiklo nagbanggaan, motorista sugatan

Sugatan ang isang motorista matapos itong masangkot sa banggaan kaninang alas-7:00 ng umaga sa may Osmeña Ave. Kalibo partikular sa harap ng Milagrosa Cemetery.

Base sa imbestigasyon ng Kalibo PNP, paliko umano ang nasabing SUV na minamaneho ng 62-anyos na babae, residente ng Pastrana Street, Kalibo na papasok sa Crossing Rotonda sa may PSA nang aksidente itong nakabanggaan ang isang motorsiklo na minamaneho ng 37-anyos, residente ng Brgy. Linabuan Sur, Banga.

Napag-alaman, na papunta sana ang motorista sa kaniyang trabaho sa Poblacion, Kalibo nang mangyari ang aksidente na nagdahilan ng kaniyang pagkatumba.

Dahil dito, nagtamo ito ng sugat sa iba’t-ibang bahagi ng kaniyang katawan na agad namang dinala ng Kalibo BFP sa Provincial Hospital.

Samantala, dinala naman sa Kalibo MPS ang mga sasakyang sangkot sa nasabing aksidente kasama ang driver ng SUV para sa karampatang disposisyon.