Vape shop sa bayan ng Kalibo, pinasok ng kawatan

HULI sa CCTV ang panloloob ng isang kawatan sa isang vapeshop sa may N. Roldan St., Kalibo nitong Biyernes.

Nagsumbong sa Kalibo PNP si Johnric Mandajoyan, 25, ng Brgy. Bulwang, Numancia matapos madiskubre na may nanloob sa kaniyang vapeshop.

Salaysay niya, napansin nilang sapilitang binuksan ang sliding window ng shop kaya agad nilang tiningnan kung may mga nawawala dito.

Doon nila napag-alaman na wala na ang P3000 na perang nakalagay sa isang cashbox.

Kitang-kita sa CCTV ng shop ang isang lalaking pumasok mula sa sliding window na nakasuot ng puting long sleeves, blue pants at itim na tsinelas mga dakong alas-12:30 ng madaling araw.

Tinakpan pa nito ng tela ang CCTV.

Patuloy pang iniimbestigahan ng Kalibo PNP ang nangyaring nakawan.