Magiging mukha ng Bagong Kalibo Pastrana Park, ipinasilip sa publiko ni Mayor Sucro

IPINASILIP sa publiko ni Bagong Kalibo Mayor Juris Sucro ang magiging bagong mukha ng Kalibo Pastrana Park.

Sa kasalukuyan ang nagpapatuloy ang ginagawang development ng lokal na pamahalaan ng Kalibo sa naturang parke.

Ayon sa alkalde, prayoridad na matapos sa ngayon ang ginagawang water fountain kung saan isasabay ang pagbubukas nito sa Bag-ong Kahayag it Kalibo (Opening of Lights) sa darating na Disyembre 16, 2023.

Ang phase 2 ng naturang proyekto na nagkakahalaga ng P22 million ay may children’s playground upang mabigyan ng saya ang mga kabataan, mayroong sounds system, led wide screen, pagsasa-ayos ng foot walks at iba pa.

Dagdag pa ni Mayor Sucro, hinihintay pa nila ang dagdag na pondo para sa phase 3 ng proyekto.

Nais ng alkalde na makasabay ang bayan ng Kalibo sa mga nangungunang syudad sa bansa.