Rider na senior citizen sugatan matapos mabundol ng isa pang motor sa Brgy. Laguinbanwa West Numancia

DUGUAN ang isang motoristang senior citizen matapos mabundol ng isa pang motorsiklo sa bahagi ng barangay Laguinbanwa West, Numacia Aklan nitong Martes.

Kinilala ang biktima na si Ely Villariña, 78, residente ng nabanggit na lugar.

Batay sa imbestigasyon ng Numancia PNP, paalis na sana ng kanilang bahay sakay ng motorsiklo ang biktima ng mabundol ito ng isa pang motor na minamaneho ni Emman Tenedor, 27-anyos ng barangay Mantiguib sa bayan ng Makato.

Paliko na sana si Villariña sa highway na mabundol ito ni Tenedor na mula sa direksiyon ng Poblacion, Numancia at patunggong bayan ng Kalibo.

Dahil sa nangyaring aksidente, nagtamo ng sugat sa kanyang ulo si Villariña na kaagad naman isinugod sa ospital samantalang sugat naman sa paa ang tinamo ni Tenedor.

Sa ngayon ay nagpapatuloy pa ang imbestigasyon ng mga kapulisan sa nangyaring aksidente.