Tricycle nabundol ng rumaragasang motor

Tumagilid ang isang tricycle matapos na mabangga ng rumaragasang motor sa may Acevedo St. Corner M. Laserna St., Poblacion, Kalibo nitong umaga ng Lunes.

Batay sa imbestigasyon ng mga kapulisan at lumalabas din sa kopya ng CCTV sa lugar na mula sa direksyon ng ospital ang nasabing tricycle at papuntang M. Laserna St. nang bigla nalang nabundol ang likurang bahagi nito ng isang motorsiklo na mabilis ang pagpapatakbo habang sakay ang dalawang angkas.

Dahil sa nangyaring aksidente, tumagilid ang nasabing tricycle na nagresulta ng kaunting gasgas sa paa ng driver.

Habang tumba rin ang nasabing motor kung saan ay nagtamo ng pinsala sa paa ang babaeng isa sa mga angkas nito na agad ding dinala sa ospital.

Samantala, dinala naman sa Kalibo Municipal Police Station ang parehong mga driver kasama ang dalawang sasakyang sangkot para sa karampatang disposisyon.