Aklan News
SLI tiklo sa drug buy bust ops sa bayan ng Kalibo
Arestado ang isang Street Level Individual (SLI) sa ikinasang drug buy bust operation ng mga operatiba sa bahagi ng Veterans Ave., Cor. Roxas Ave., sa bayan ng Kalibo kagabi.
Kinilala ang suspek na si Jayvee Hilario, 27 anyos at residente ng naturang lugar.
Nakuha sa kanya ang dalawang sachet ng suspected shabu kapalit ng P4,100 na buy bust money, cellphone at isang kaha ng sigarilyo.
Samantala, sa isinagawang body search nakuha sa bulsa ng suspek ang isang foil at iba pang non drug items.
Sa panayam kay Kagawad Kim Melgarejo ng Barangay Poblacion, sinabi nito na na-monitor na nila ang suspek na nagsasagawa ng iligal na transaksiyon.
Ayon naman kay PMaj. Frensy Andrade, hepe ng PDEU Aklan may isang buwan at kalahati na nilang sinusubaybayan ang naturang suspek.
Sa katunayan aniya ay nasasambit ng mga nauna nang inarestong drug suspek ang pangalan ni Hilario.
Nasa kustodiya na ngayon ng Kalibo PNP si Hilario at posibleng maharap sa kasong paglabag sa RA 9165 o Comprehensive Dangerous Drugs Act of 2022.
