Motor bumangga sa isang dump truck; rider sugatan

PATULOY na ginagamot ngayon sa opsital ang isang motorista matapos na bumangga ito sa isamg dump truck sa bahagi ng diversion road sa Brgy. Mina, Lezo.

Kinilala amg biktima na si Jaime Concepcion, 47-anyos at residente ng nabanggit na lugar habang nakilala naman ang driver ng trak na si Elio Dela Cruz, 40-anyos at residente naman ng Barangay Sta. Cruz ng naturang bayan.

Batay sa imbestigasyon ng Lezo PNP, magkasalubong ang dalawang behikulo kung saan  mabilis umano ang takbo ni Concepcion at pagdating sa naturang lugar ay inagaw nito ang linya ng trak.

Sinubukan pang umiwas ni Dela Cruz ngunit nahagip pa rin nito si Concepcion.

Dahil dito, nagtamo ng sugat sa ulo si Concepcion at patuloy na ginagamot sa Intensive Care Unit (ICU) ng Aklan Provincial Hospital.

Samantala, sinasabing nasa ilalim ng impluwensiya ng alak ang biktima ng mangyari ang aksidente.