Tricycle bumangga sa nag-u-turn na SUV

NABANGGA ng traysikel ang isang suv sa bahagi ng Capitol Site, Osmena Avenue, Kalibo ngayong gabi ng Huwebes.

Sa kuha ng cctv, parehong binabaybay ng suv at traysikel ang daan patungong Poblacion nang mag u-turn ang suv pabalik ng Estancia.

Dahil sa pag u-turn ng sasakyan, aksidente itong nabangga ng traysikel

Sinubukan pa ng drayber ng traysikel na umiwas ngunit nawalan na rin ito ng kontrol dahilan upang masalpok nito ang sasakyan.

Nagtamo ng sugat sa iba’t-ibang bahagi ng katawan ang mga sakay ng traysikel at maswerte namang walang nasugatan sa mga sakay ng suv na minamaneho ng isang senior citizen.

Agad naman itong nirespondihan ng mga rescuers at dinala ang mga nasugatan sa Aklan Provincial Hospital

Napag-alaman na nagkaayos na rin ang dalawang panig na sangkot sa nangyaring aksidente.