Aklan News
5 mangingisda na taga Capiz, huli sa iligal na pangingisda sa Batan
Kinumpiska ng mga otoridad ang mga nalambat na isda at ilang kagamitan ng limang lalaki matapos mahuling illegal na nangingisda sa karagatang sakop ng Batan nitong Linggo.
Walang naipakitang mga dokumento ang limang mangingisda kaya hinuli at pinagmulta ang mga ito.
Napag-alaman na mga residente ng Roxas City, Capiz ang lima.
Ayon sa Batan PNP, nagkakahalaga umano ng halos P5,000 ang mga nakumpiskang isda na mula sa kanilang huli.
Bukod rito, ikinustodiya rin ng mga otoridad ang iba pa nilang kagamitan kasama ang kanilang bangka.
Dahil sa kawalan ng permit, pinatawan ang mga akusado ng kaukulang multa dahil sa paglabag sa Municipal Ordinance No. 2016-03 Section 3 (Illegal Fishing). | via Rhealyn Ortega
