Magkapatid na security guard, arestado sa pagbebenta ng ilegal na droga

Tiklo ang magkapatid na security guard matapos na mahuling nagbebenta ng ilegal na droga sa Brgy. Ongol-Ilaya, Dumarao, Capiz dakong alas-3:07 ng madaling-araw nitong Huwebes.

Kinilala ang magkapatid na sina alyas ‘Jay’, 28-anyos at alyas ‘Jose’ , 32-anyos, na pawang mga residente ng Brgy. Astorga, Dumarao, Capiz.

Nabilhan ang mga ito ng 1 sachet ng suspected shabu kapalit ng P1,100 na buybust money.

Nakuha rin ang motor na sinakyan ng dalawa papunta sa lugar.

Samantala, nakakulong naman ngayon ang magkapatid na suspek sa Dumarao Municipal Police Station at mahaharap sa kasong paglabag sa Ra 9165 o Comprehensive Dangerous Drugs Act of 2002.