Umano’y 25 lugar sa bansa na target ng hypersonic missile ng China, under validation pa ng AFP

Nagpapatuloy ngayong ang validation Ng Armed Forces of the Philippines (AFP) sa umano’y may 25 lugar sa bansa na target ng hypersonic missile ng China.

Ayon kay AFP chief of staff Gen. Romeo Brawner wala pa silang natatanggap na report maging ang intelligence community hinggil sa ulat na nakuha ni Senator Imee Marcos.

Sinabi ni Brawner na nakikipag-ugnayan na sila sa tanggapan ni Sen. Marcos upang makakuha pa ng karagdagang impormasyon tungkol dito.

“ As to the report that Sen. Imee Marcos mentioned about hte 25 targets, alleged targets, wala pa ho kaming nakikita na report to this effect na may 25 targets so hindi po talaga ako makakapagbigay ng comment tungkol dito dahil ako po mismo hindi ko nakita yung sinabing report na yan or even the locations of these 25 targets so Im sorry po,” ani Gen. Brawner.