3 Bahay sa Sigma, Capiz, nasunog

Tuluyang natupok ng apoy ang dalawang bahay habang bahagyang nasunog rin ang isa pa sa sumiklab na sunog kaninang madaling-araw sa Poblacion Norte, Sigma Capiz.

Ang dalawang natupok na bahay ay paqmamay-ari nina Diose Natal Jr. at Edwardo Azarcon Jr. habang ang isa naman ay pagmamay-ari ni  Lourdes Azarcon.

Napag-alaman na gawa sa light materials ang mga bahay na nasunog.

Batay sa report ng Sigma Fire Station, nagsimula ang sunog dakong alas-12:30 kaninang madaling araw.

Umabot sa ikalawang alarma ang naturang sunog kaya bukod sa Sigma BFP ay tumulong na rin sa pagresponde ang Ivisan at Dao BFP.

Halos 2 oras rin ang pakikipaglaban ng mga bombero sa apoy bago ito tuluyang naapula.

Sa ngayon ay patuloy pang inaalam ng mga otoridad ang pinagmulan ng sunog.