Guro na patawid sa kalsada muntik nang mabangga, minura pa ng motorista

Dumulog sa Kalibo Municipal Police Station ang isang guro matapos na muntik na itong mabangga ng isang motor at minura pa ng driver sa bahagi ng Osmeña Ave., Brgy. Estancia, Kalibo nitong Miyerkules.

Napag-alaman na dumaan umano sa pedestrian lane ang guro patawid sa eskwelahang pinagtatrabahuhan nito.

Pero nang malapit na itong makarating sa kabilang linya ay muntikan na umano itong nabangga ng isang humaharurot na motorsiklo at minura pa ito ng driver.

Kita sa kopya ng CCTV ang pangyayari ngunit hindi makilala ang driver dahil nakasuot ito ng helmet at walang plate number ang motor.

Sa ngayon ay patuloy pa ang imbestigasyon ng mga otoridad para matukoy ang motorista.