Babae naospital matapos suntukin sa ulo habang pauwi sa kanilang bahay, suspek patuloy na inaalam ang pagkakakilanlan

CONFINED ngayon sa ospital ang isang babae matapos na suntukin sa ulo ng hindi pa nakikilalang suspek sa New Buswang, Kalibo nitong gabi ng Lunes.

Ayon sa 24-anyos na biktima na residente ng Sto.Nino Village, nakaupo umano siya sa traysikel na nakaparada habang nagwa-wifi.

Nang pauwi na ito ay dito na siya sinuntok ng lalaki sa kaniyang ulo.

Dagdag pa ng biktima, hindi niya naman umano kilala ang suspek at hindi niya alam ang dahilan upang gawin iyon sa kaniya.

Sinubukan pa ng biktima na habulin ang suspek ngunit hindi na niya ito naabutan.

Samantala isinugod naman sa ospital ang biktima dahil sa nagsuka ito ng dugo dahil sa lakas ng pagsuntok sa kaniyang ulo.

Sa ngayon ay patuloy pa ang imbestigasyon ng Kalibo PNP para malaman ang pagkakakilanlan ng suspek.