Lasing nagreklamo sa Kalibo PNP matapos umanong tangkaing tagain; sa pag-imbestiga, siya pala ang nanggulo

Tila na prank ng isang lasing ang mga miyembro ng kapulisan matapos nilang respondehan ang pagreklamo nito na tinangka umano siyang tagain ng kaniyang kainuman sa Calachuchi Road, Brgy. Andagao, Kalibo kagabi ngunit nadiskubrehang siya pa pala ang nanggulo sa lugar.

Napag-alaman na residente ng Batan ang lasing na lalaki na may kapatid umano dito sa bayan ng Kalibo.

Batay sa report ng Kalibo Pnp, personal umanong tumungo sa himpilan ng Kalibo Municipal Police Station ang naturang lasing para magreklamo na siya’y pinagtangkaang tagain.

Sa kaniyang mga kwento ay medyo nagduda na ang mga kapulisan ngunit nagresponde parin sila sa lugar para siguraduhin ang nangyari.

Doon nila nadiskubre na, ang naturang lasing pa pala ang nanggulo at nanuntok.

Minabuti nalang nila na pauwiin na lang ito para hindi na manggulo pa sa lugar.