Lalaki nag-amok sa loob ng disco matapos hampasin ng bote ang kanyang kaibigan

Nagkalat ang mga nakapatong na pagkain at inumin sa isang mesa matapos na mag-amok ang isang lalaki sa loob ng disco dahil hinampas umano ng bote ang kanyang kaibigan dakong ala-1:45 kaninang madaling-araw sa Brgy. Bachao Sur, Kalibo.

Ayon sa report ng mga kapulisan, naglalakad umano sa labas ng pavement si alyas “Short” nang bigla nalang hampasin ng bote ang kasama nitong isang 32-anyos na lalaki rason para magtamo ito ng sugat sa noo.

Pagkatapos ng insidente ay tumakbo umano papasok ng disco si alyas Short at doon na ito nanggulo.

Sinasabing, tinulak nito ang mesa sa loob ng pavement kaya nagkalat ang mga pagkain at inumin at may isa pang nasugatan.

Nagresponde naman agad ang mga kapulisan at pansamantalang ikinustodiya si Short sa Kalibo Municipal Police Station.

Sa ngayon ay nagpapatuloy pa ang imbestigasyon ng mga otoridad kaugnay sa nangyari.