Motorista sugatan matapos sumalpok sa pick-up

Sugat sa ulo ang tinamo ng isang motorista matapos sumalpok sa kasalubong na pick up dakong alas-8:00 kagabi sa Osmeña Avenue, Brgy. Estancia, Kalibo.

Napag-alaman na minamaneho ni Fr. Fulgencio Legaspi ng Banga Parish Church ang pick-up habang ang motorista ay isang 41-anyos ng Brgy. Tigayon, Kalibo.

Batay sa imbestigasyon ng Kalibo PNP, pauwi na sana ng Banga si Fr. Legaspi ngunit pagdating sa lugar ay bigla nalang itong sinalpok ng kasalubong na motor.

Pumailalim pa ang motorsiklo sa harapang bahagi ng pickup dahil sa lakas ng impact.

Kaagad namang dinala sa ospital ang motorista para sa kaukulang paggamot.

Samatala, nawasak naman ang naturang motorsiklo habang nayupi naman ang nasabing pick-up.