Motorista sumemplang sa daan dahil sa tumawid na aso

Sugatan ang isang motorista matapos itong sumemplang sa kalsada ng Brgy. Laguinbanua east, Numancia dakong alas-9:30 kagabi nang dahil sa biglang tumawid na aso.

Napag-alaman na 36-anyos ang naturang motorista na residente rin ng bayan ng Numancia. Batay sa Mdrrmo Numancia, habang binabaybay umano ng biktima ang lugar ay biglang may sumulpot na aso rason para matumba ito.

Sugat sa mukha at iba pang bahagi ng katawan ang tinamo ng motorista dahil sa aksidente.

Mabilis namang nagresponde ang mga miyembro ng Mdrrmo Numancia at binigyan ito ng paunang-lunas bago dalhin sa ospital.