Traysikel na out of line ang biyahe, pinara ng KAP members; driver, tumakas

NAKA-IMPOUND ngayon sa Kalibo PNP station ang isang traysikel matapos na basta na lamang itong iniwanan ng drayber dahil pinara ng mga miyembro ng Kalibo Auxiliary Police (KAP) sa harap ng Kalibo Cathedral nitong linggo ng umaga.

Ayon sa pumarang KAP members, out of line ang biyahe ng nasabing traysikel.

Biyaheng Numancia umano ito at may inihatid na pasahero sa harap ng Kalibo Cathedral.

Hinanapan ng nila ng dokumento ang hindi pa nakikilalang driver ngunit wala itong may ipinakita at iniwanan niya na lamang ang kanyang traysikel.

Sa ngayon ay inaalam pa ng mga kapulisan ang pagkakakilanlan ng driver ng naturang traysikel.