LASING NA MOTORISTA, SUGATAN AT NAWALAN NG MALAY MATAPOS NA MAAKSIDENTE SA POOK, KALIBO

SUGATAN at nawalan ng malay ang isang motorista matapos na maaksidente sa bahagi ng Jaime Cardinal Sin, Pook, Kalibo nitong Huwebes ng gabi.

Ang hindi pa nakikilalang biktima ay isang lalaki na sakay ng itim na motorsiklo na galing pa sa direksyon ng New Washington at patungo sana ng Kalibo.

Lumabas naman sa imbestigasyon na habang binabaybay ng biktima ang nasabing daan ay nawalan ito ng kontrol dahil sa kalasingan at dito na siya pumagilid sa daanan at na aksidente.

Biyak sa ulo ang inabot ng biktima kung saan agad naman itong nirespondehan ng MDRRMO Kalibo bago dinala sa Aklan Provincial Hospital. | via Kiervy Revesencio