4 na construction worker, huli sa aktong nagnanakaw ng steel bar

Kulong ngayon ang apat na construction worker matapos mahuli sa aktong nagnanakaw ng steel bar sa Brgy. Bulwang, Numancia.

Batay sa Numancia PNP, nakita ng may-ari sa CCTV ang ginagawang pagpupuslit ng apat na suspek.

Nakuha ng mga ito ang 14 na piraso ng 12mm steel bar at naabutan pa silang nagpapalusot ng dagdag na lima.

Napag-alaman na dalawa sa kanila ay taga Bulwang na edad 52 at 53 anyos, isa ang taga Pusiw na edad 47 at 38 anyos na taga Puis naman ang isa.

Pansamantala silang ikinustodiya sa Numancia PNP habang hinihintay ang desisyon ng may-ari na sinasabing desididong magsampa ng kaso laban sa apat.