Motor sumalpok sa wing van, driver at angkas confined sa ospital

CONFINED sa ospital ang dalawang lalaki matapos sumalpok ang sinasakyan nilang motorsiklo sa isang wing van kagabi sa Crossing Diversion road, Tigayon, Kalibo.

Lumalabas sa imbestigasyon na galing pa ng Banga ang wing van at paliko na sana papuntang Caticlan.

Samantala ang motor naman ay mula pa sa New Washington at patungo din sana ng kaparehong direksyon kung saan hindi nito napansin ang wing van kaya sumalpok ito sa bumper.

Sa lakas ng pagkakasalpok, nagtamo ng sugat sa ibat-ibang bahagi ng katawan ang rider at ang angkas nito na sinsasabing nakainom.

Dinala ang mga ito sa ospital matapos lapatan ng first aid ng MDRRMO responders.

Temporaryong nasa kustodiya naman ng Kalibo PNP ang motorsiklo at wing van para sa karampatang disposisyon.